Центарот за развој на Југозападниот плански регион, во рамките на регионалниот проект „Подобрена енергетска ефикасност во јавните објекти и намалување на загадувањето на животната средина во ЈЗПР“, ги заврши активностите за реконструкција на основното училиште во село Бачишта во Кичево.
Последните месеци, во овој објект, се изврши целосна реконструкција на кровниот покривач и изолација на таваните од внатрешната страна. Во внатрешниот дел на објектот, се реконструираше водоводната и канализационата мрежа заедно со тоалетите, целата електрична инсталација, како и целосна реконструкција на ѕидовите, таваните и подовите. Вкупната вредност на работите изнесува 10,3 милиони денари, од кои 5,7 милиони денари се обезбедени преку Бирото за регионален развој, додека останатите 4,6 милиони денари од буџетот на Општина Кичево.
Во рамки на истиот проект, активностите се во завршна фаза и во Општина Дебар, каде се вршат интервенции за реконструкција на противпожарниот објект во оваа општина, додека претходно завршија активностите за реконструкција на апартманите на ГО Мобилност во Охрид, реконструкција на културно-историскиот дом во с.Требеништа – Дебрца, изведба на каналот Песјак во Македонски Брод, набавка на контејнери за селекција на отпад за потребите на Општина Пласница.
No comment yet, add your voice below!