Жарко Ристески, нов претседател на Советот за развој

Советот за развој на Југозападен плански регион, на својата 12-та седница, едногласно, за претседател го избра градоначалникот на Општина Македонски Брод, г.Жарко Ристески со мандат од една година. Заблагодарувајќи се на изборот, г. Ристески нагласи дека како Совет потребно е мобилизирање на сите субјекти со цел да се надминат проблемите во функционирањето на општините и јавните комунлани претпријатиа, како и во подобрувањето на квалитетот на услугите кон граѓаните. Во таа смисла, новиот претседател г.Жарко Ристески, како позитивна ја оцени улогата на Советот и на Центарот за развој на Регионот, преку кои се реализираат значајни регионални проекти кои ги подобруваат условите на населението.

На денешната редовна седница на Советот за развој, исто така беа разгледани и усвоени точките за одобрување на Комуникациската стратегија за периодот 2024-2026 година на Центарот за развој на ЈЗПР, дополнетиот Финансиски план на Центарот за 2024г, како и се усвои Одлука за распишување на Оглас за избор на Директор на Центарот за развој.

Точките од дневен ред и материјали:

Покана и Дневен ред за 12-та Седница

– Усвојување на Записникот од претходната седница на Советот за развој на Југозападниот плански регион

1. Предлог-одлука и Одлука за избор на Претседател на Советот за развој на Југозападниот плански регион.
2. Разгледување на дополнет Предлог-Финансиски план на Центарот за развој на Југозападен плански регион за 2024 година.
3. Предлог-Одлука и Одлука за усвојување на Дополнет-Финансиски план на Центарот за развој на Југозападен плански регион за 2024 година
4. Разгледување на Комуникациска стратегија за 2024-2026 година за Центарот за развој на Југозападен плански регион.
5. Предлог-Одлука и Одлука за усвојување на Комуникациската стратегија за 2024-2026 година за Центарот за развој на Југозападен плански регион.
6. Предлог-Одлука и Одлука за распишување Оглас за избор на Директор на Центарот за развој на Југозападниот плански регион
7. Разно.