Ден на РЕГИОНОТ

На ден 23.12.2024г, за прв пат беше организиран Ден на РЕГИОНОТ во рамките на проектот „Одржлив и инклузивен рамномерен регионален развој“ кој е финансиски поддржан од страна на Министерството за локална самоуправа и Владата на Швајцарија.

Целта на одржувањето на Денот на регионалниот развој беше презентација на атрактивни туристички потенцијали во Југозападниот плански региони и можностите за креирање одржлив туризам за цела година со опфаќање на езерскиот туризам, здравствениот, архитектурата, археологијата, религиозните објекти, еко туризмот, авантуристички туризам, кулинарскиот, традицијата и други видови на туризам, со единствена цел секој турист да остане плус денови во Југозападниот регион.

За регионалната политка, општините кои припаѓат во Југозападниот регион, визијата, целите и реализираните пројекти за 2024 презентација одржа директорот на Центарот за развој, г-дин Ваљон Каба. Тој истакна дека годината која ја завршуваме била многу добра година за Регионот и за Центарот. Во текот на 2024 година, Центарот за развој успеа да реализира 7 големи проекти, 3 проекти финансирани од Програмите за рамномерен регионален развој, 3 проекти од страна на Министерството за локална самоуправа и Владата на Швајцарија и еден проект финансиран од Прграмата на УНДП.

На панел дискусијата на тема „Влијанието на рамномерниот регионален развој кон одржлив урбан и рурален развој на општините“ панелисти беа градоначалникот на Општина Центар Жупа – г. Аријан Ибрахим; г. Владислав Жупан – сектор за локален економски развој во Општина Струга, г-ѓа Ирена Здравевска Спасеска – сектор за туризам и локален економски развој во Општина Охрид, г. Новица Костојчиноски – сектор за економски развој во Општина Вевчани, г-ѓа Милка Стаменкоска – сектор за локален економски развој во Општина Македонски Брод и г. Даниел Ристески – сектор за локален економски развој во Општина Дебрца.

Панелистите направија пресек на предностите и недостатоците на изминатава туристичка сезона земајќи ги во предвид урбаните и руралните средини, но исто така се презентира видео записи за промоција на туризмот од 9 општини од ЈЗПР како можни туристички потенцијали.

Во втората панел дискусија презентација имаше м-р Валентина Переска од Агенција за промоција и поддршка на туризмот. Темата на втората панел дискусијата беше „Туристичкиот потенцијал – можност за развој на одржлив туризам во ЈЗПР“

Препораките кои се дадоа:

• Подигнување на свеста кај локалното население и туристите
• Вклучување на локалното население во носење на одлуките
• Субвенции за користење на обновливи извори на енергија
• Воведување на зелени даноци
• Мерки за зголемување на женско претприемништво
• Мерки за отворање на нови работни места во рурални средини
• Креирање на кластери за туризам
• Поизразена соработка на сите чинители во туризмот
• Креирање на регионални туристички понуди

На настанот беше истакнато дека активностите и проектите кои се реализирани од страна на Центарот за развој на ЈЗПР, имале за цел одржливиот развој и туризмот, животната средина, енергетската ефикасност како и унапредување на комуналната инфраструктура.