Një tjetër projekt i rëndësishëm i realizuar me sukses për përmirësimin e mjedisit jetësor 
Në kuadër të projektit “Forcimi i kapaciteteve të NP Debrca dhe NP Eremja përmes furnizimit me pajisje”, NP Debrca – Debrca dhe NP Eremja – Vevçan u pajisën me makineri moderne për mirëmbajtjen dhe pastrimin e sistemeve të kanalizimit, në vlerë totale prej 2.400.000 denarë.
Me sigurimin e kësaj pajisjeje përmirësohen ndjeshëm kushtet e punës të ndërmarrjeve publike komunale, mundësohet mirëmbajtje më efikase e infrastrukturës së kanalizimit, si dhe ofrimi i shërbimeve më të shpejta dhe më cilësore për qytetarët, me ndikim të drejtpërdrejtë pozitiv në mbrojtjen e mjedisit.
Projekti financohet nga Ministria e Vetëqeverisjes Lokale, në kuadër të Programit për zvogëlimin e pabarazive ndërmjet dhe brenda rajoneve planore dhe rritjen e konkurrueshmërisë rajonale për vitin 2025, ndërsa implementimi u realizua nga Qendra për zhvillim të rajonit planor Jugperëndimor.
Me projekte të tilla vazhdojmë të punojmë me përkushtim për avancimin e zhvillimit të qëndrueshëm dhe ofrimin e shërbimeve komunale më cilësore për qytetarët.
No comment yet, add your voice below!