Dëgjim publik në lidhje me Projekt-Planin hapësinor

Qendra për zhvillim të rajonit planor Jugperëndimor, në bashkëpunim me Ministrinë e ambientit jetësor dhe planifikimit hapësinor dhe Agjencinë për planifikim hapësinor, organizoi një dëgjim publik rajonal në lidhje me Projekt-Planin Hapësinor të Republikës së Maqedonisë së Veriut 2026–2040.

Dëgjimi publik u ofroi palëve të interesuara mundësinë të njihen me zgjidhjet e propozuara të planifikimit, si dhe të japin mendime, sugjerime dhe komente gjatë përgatitjes së njërit prej dokumenteve strategjike më të rëndësishme të vendit për zhvillimin hapësinor.

Plani hapësinor 2026–2040 duhet të pasqyrojë aspiratat tona të përbashkëta për një shtet modern, të zhvilluar dhe me mjedis të pastër – një shtet në të cilin Rajoni Jugperëndimor do të zërë vendin e tij të merituar si një shtytës kyç i përparimit.

Ftojmë institucionet, njësitë e vetëqeverisjes lokale, ekspertët, palët e interesuara dhe të gjithë qytetarët e interesuar që të ndajnë mendimet dhe sugjerimet e tyre, si dhe të kontribuojnë në planifikimin e zhvillimit të ardhshëm hapësinor të Republikës së Maqedonisë së Veriut.