Rikonstruktimi i ndërtesës komunale të Komunës së Debërcës

Qendra për zhvillim të rajonit planor Jugperëndimor, në kuadër të projektit rajonal “Përmirësimi i efikasitetit energjetik në RPJP dhe shfrytëzimi i BRE”, i përfundoi aktivitetet për rikonstruktimin e pullazit të ndërtesës komunale të Komunës së Debërcës si dhe dhomës përkujtimore të LNÇ në Debërc.

Gjatë muajit të kaluar, në këtë objekt, u krye rikonstruktimi i tërësishëm i konstruksionit ët kulmit dhe mbulesës së kulmit si dhe izolimi i tij. Në kuadër të ndërtesës komunale, u rikonstruktua edhe Dhoma përkujtimore e LNÇ në Debërc. Vlera e përgjithshme  e punëve është 4.461.007 denarë, nga të cilat 3.695.600 denarë janë siguruar përmes Byrosë për zhvillim rajonal, ndërsa 729.544 denarë nga buxheti i Komunës së Debërcës.

Në kuadër të projektit të njëjtë, aktivitete po zhvillohen edhe në komunat e tjera dhe atë në Komunën e Makedonski Brodit – rikonstruktimi i ndërtesës komunale, Komunën e Pllasnicës – rikonstruktimi i fasadës dhe kulmit në SHF “Junus Emre” në f.Lisiçan dhe Komunën e Kërçovës – instalimi i 6 sistemeve fotovoltaike në 6 objekte publike me nga 20kW. Gjithashtu, gjatë muajit maj do të fillojë edhe realizimi i aktiviteteve edhe në dy komuna tjera dhe atë në Dibër – rikonstruktimi i fasadës dhe dritareve në SHF “Said Najdeni” dhe në Komunën e Strugës – rikonstruktimi i fasadës dhe dritareve në dy shkolla dhe atë në SHK “Baftjar Banushi” dhe “Shën Klimenti i Ohrit”.