Përshkrimi i projektit
Zvogëlimi i shpenzimeve të energjisë elektrike dhe asaj ngrohëse përmes zëvendësimit të dritareve, izolimit të çatisë dhe instalimit të sistemit solar për përgatitjen e ujit sanitar të ngrohtë, është qëllimi kryesor i këtij projekti i realizuar në tre objekte publike, në Komunën e Strugës – SHFK “Vëllezerit Milladinovci”, në Komunën e Dibrës – IPKKF “Breshia” dhe në Komunën e Kërçovës -SHMK “Mirko Mileski” dhe “Drita”.
Realizimi i aktiviteteve projektuese në të tre objektet publike të lartëpërmendura në rajon dukshëm e zvogëluan shpenzimin e energjisë, e me atë edhe shpenzimet e këtyre institucioneve. Gjithashtu, në masë të madhe u përmirësuan kushtet për ligjërim në shkollat e përmendura në Strugë dhe Kërçovë, si dhe kushtet për qëndrim më të mirë ditor të fëmijëve në kopshtin për fëmijë në Dibër.
Projekti u financua përmes Programeve për zhvillim të barabartë rajonal të Ministrisë për vetëqeverisje lokale dhe Byrosë për zhvillim rajonal për vitin 2015.
Rezultatet
- Ndërrimi i dritareve të vjetra, montimi i 86 PVC dritareve të reja në dy shkolla (Strugë dhe Kërçovë), me sipërfaqe prej 540 m2
- Rikonstruimi i pullazit dhe vendosja e izolimit në sallën e sportit të SHFK “Vëllezërit Milladinovci” në Strugë me sipërfaqe prej 320 m2
- U instalua sistem qendror për ujë të ngrohtë sanitar në IPKF “Breshia”-Dibër i përbërë nga 10 kolektorë diellor, rezervuar për ujë prej 1000l dhe 1500l, me ngrohës të instaluar;
- U përmirësuan kushtet pët punë të 1330 shfrytëzuesve të SHFK “Vëllezerit Milladinovci” në Strugë
- U përmirësuan kushtet për punë të 3230 shfrytëzuesve në SHMK “Mirko Mileski” në Kërçovë
- U përmirësuan kushtet për qëndrim dhe punë të 260 shfrytëzuesve në IPKKF “Breshia” në Dibër.