28.09.2022 Qendra për zhvillim të rajonit planor Jugperëndimor, në kuadër të projektit rajonal “Përkrahja e zhvillimit ekonomik rajonal përmes turizmit, kulturës dhe veprimtarive tjera ekonomike”, i përfundoi aktivitetet për rregullimin e oborrit të Qendrës turstike “Kosta Srbakoski” në Vevçan. Në sipërfaqe prej 910 m2 u vendos gur dekorativ, u ndërtuan rrugët qasëse deri te hyrja kryesore dhe ndihmëse dhe hapësirave për pushim me pajisje adekuate urbane dhe ndriçim.
Investimi i përgjithshëm për rregullimin e oborrit të Qendrës turistike është 4,6 milionë denarë dhe të njëjtat janë siguruar përmes Programit për zhvillim rajonal të Ministrisë për vetëqeverisje lokale dhe Byrosë për zhvillim rajonal. Kryerës i punëve ishte kompania Tane 2007 SHPKNJP Ohër.
Qendra turistike “Kosta Srbakoski” në Vevçan, sipërfaqja e përdorshme e së cilës është 1400 m2 shërben për aktivitete kulturore dhe edukative, ka galeri për promovim të trashëgimisë së pasur kulturore në Vevçan, hapësirë muzeore për prezantimin e florës dhe faunës nga zona e mbrojtur natyrore “Burimet e Vevçanit” dhe malit Jabllanicë.
Gjatë periudhës së ardhshme ngelet të përfundohet rregullimi i hortikulturës së hapësirës, të cilën duhet ta kryejë vetë komuna.
No comment yet, add your voice below!