Цели на проектот:
Општа цел:
Општата цел е поддршка на регионалниот економски развој и подобрување на туристичката економска дејност преку изведба на клучни инфраструктурни подобрувања на патната мрежа и активности за економско поврзување во Регионот. Спроведувањето на проектните компоненти ќе придонесе за значителни економски придобивки на ниво на регионалната економија, како и за квалитетот на живот во поизолираните рурални области.
Специфични цели:
- Реконструирани и рехабилитирани три краци во должина од 1,270 m од патната мрежа во н.м. Мал Папрадник во Центар Жупа со што се овозможува побезбеден и подобар пристап за постителите до бреговите на Дебарското Езеро
- Реконструиран дел од локалната улица „Трафо-Бубаној-Смолејца“ во должина од 420 m со што се подобрува пристапот до рекреативните места надвор од селото како што е Јанков Камен и туристичката населба Горна Белица, патеките на Јабланица, како и до глацијалните форми – Вевчанска локва и Подгоричко Езеро
- Со изведбата на нови улици во Лисичани и Преглово во должина од 557 m ќе се подобри пристапот до бреговите на Треска, а ќе се создадат услови за развој на локални туристички активности од страна на месното население, и
- Реконстриураната улица „206“ со должина од 180 m во населбата Венец 2 во Дебар ќе овозможи подобар пристап, и олеснет транспорт на стоки и услуги до плажите и туристичките објекти на северниот дел од Дебарското Езеро.
Резултати:
- Зголемен број на туристи (домашни и странски)
- Скратено време на транспорт за бизнис и лична комуникација, оперативни трошоци за транспорт
