Në ujësjellësin e Ohrit u dha në përdorim kamion i ri

Në kuadër të projektit “Përforcimi i kapaciteteve të NKP përmes furnizimit të pajisjeve”, para mediumeve dhe të punësuarve në ndërmarrjen komunale “Ujësjellësi” në Ohër, kryetari i komunës së Ohrit, Kiril Pecakov dhe drejtori i Qendrës për zhvillim të rajonit planor Jugperëndimor, Mirjana Lozanoska në mënyrë simbolike i dhanë në shfrytëzim mjetin kamion – të markës ISUZU – e furnizuan për nevojat e ndërmarrjes.

Me këtë rast, kryetari i komunës Pecakov theksoi se Komuna e Ohrit është e përkushtuar në ngritjen e kapaciteteve të NPK, dhe në atë kuptim këtë vit investoi mjete të rëndësishme në furnizimin e pajisjeve me qëllim që të arrihet efikasitet më i lartë në dhënien dhe kryerjen e shërbimeve tek të gjithë qytetarët.

Përmes projektit të Qendrës për zhvillim në të trija ndërmarrjet komunale – Ujësjellës, Komunalja e Ohrit dhe Niskogradba janë investuar 7,5 milionë denarë, nga të cilat 6,1 milion janë mjete nga buxheti qendror, ndërsa pjesa tjetër janë mjete nga Komuna e Ohrit.

Drejtori i Qendrës për zhvillim të rajonit planor Jugperëndimor theksoi se projekti është në lartësi prej 8,1 milion denarë dhe se partnerë janë komunat e Ohrit dhe Debërcës. Paraprakisht në ndërmarrjet komunale të Ohrit janë investuar 4,3 milion denarë për kamionin për Ujësjellësin, 3,2 milion denarë për të dy traktorët me mekanizmin ndihmës për Konunalen e Ohrit dhe Niskogradba, dhe 670.000 denarë për furnizimin e kantave për mebturina për Komunën e Debërcës.

Duke i falënderuar për donacionin drejtori i NP “Ujësjellës” Ohër, Marjan Risteski theksoi se me mjetin e furnizuar në Sektorin për objektet e furnzimit me ujë, prodhim dhe trajtim të ujit të pijshëm pritet që të kryhen punët në mënyrë më efikase dhe më ekonomike, veçanërisht në pjesën e mënjanimit të defekteve në rrjetin e ujësjellësit.

Projekti “Përforcimi i kapaciteteve të NPK përmes furnizimit të pajisjeve” i Qendrës për zhvillim të rajonit planor Jugperëndimor është miratuar nga ana e Ministrisë për vetëqeverisje lokale dhe Byrosë për zhvillim rajonal, ndërsa mjetet janë siguruar nga ana e buxhetit qendror i shtetit, me çka me mjete vetanake marrin pjesë edhe komunat partnere në projekt.