Me organizimin e forumit të parë rajonal në rajonin planor Jugperëndimor filloi procesi i gjenerimit të prjekt ideve për zhvillimin e projekteve për periudhën programore 2024/2025. Rreth 50 përfaqësues nga palët e rëndësishme të Rajonit në forumin që u mbajt në Strugë i vërtetuan prioritetet sipas të cilave Qendra për zhvillim në periudhën e ardhëshme do t’i përgatisë si projekte me të cilat do të aplikojë tek Ministria e vetëqeverisjes lokale, përkatësisht Byrosë për zhvillim rajonal.
Gjatë debateve në forum theks të veçantë u vendos tek nevojat e qytetarëve, me çka, pikë së pari, si prioritet u përcaktua nevoja e përmirësimit të infrastrukturës rrugore lokale, rritjen e kapaciteteve të NPK dhe Njësive të zjarrfikësve përmes furnizimit të automjeteve dhe pajisjeve, si dhe rritjen e efikasitetit energjetik të objekteve publike në komuna. Në listë u vendosën edhe idetë për përmirësimin e arsimit në funksion të ne NVM dhe veçanërisht të veprimtarive artizanale, dhe theks u vendos edhe te përmirësimi i shërbimeve në turizëm, duke e marrë parasysh fotografinë e përgjithshme se rajoni planor Jugperëndimor është i profilizuar si rajoni më i rëndësishëm turistik në shtet. Në këtë kontekst u theksua nevoja edhe për përmirësimin e fotografisë së përgjithshme në sferën e ambientit jetësor, me theks për zgjidhjen e problemit me mbeturinat.
Gjatë periudhës së ardhëshme do të përpunohen konceptet e projekteve, të cilat forumi do t’i shqyrtojë dhe vlerësojë në sesionin e dytë që do të mbahet kah fundi i muajit nëntor. Pastaj do të vijojë procesi i përgatitjes së dokumentacionit teknik të nevojshëm dhe kompletimit të aplikacioneve të projektit me të cilat Qendra për zhvillim do të aplikojë tek Ministria e vetëqeverisjes lokale, përkatësisht Byroja për zhvillim rajonal.
Pritet që të përkrahen projekte të rëndësisë rajonale në lartësi prej 58 milionë denarë, mjete të cilat do të sigurohen nga buxheti qendror i shtetit nga viti i ardhsëm dhe deri në vitin 2025.
No comment yet, add your voice below!