Në datë 20 nëntor në Shkup nën organizim të Zyrës së UNDP nga Shkupi, u prezantuan të 13-të grantistës- komunat dhe qendrat për zhvillim nga shteti, të cilët, në kuadër të thirrjes së parë të organizuar si pjesë e fondit për dokumentacion teknik janë përkrahur për përgatitjen e dokumentacionit për projektet infrastrukturore prioritare në nivel lokal dhe rajonal. Një nga grantistët është edhe Qendra për zhvillim të rajonit planor Jugperëndimor, e cila në pesë komuna nga rajoni do ta përmirësojë infrastrukturën rrugore dhe komunale. Me rreth 4 milionë denarë të përfituara nga Qeveria suedeze, Byroja për zhvillim rajonal dhe me pjesëmarrje të partnerëve në projekt do të përgatitet dokumentacion teknik për nevojat e Ohrit, Vevqanit, Dibrës, Kërçovës dhe Pllasnicës.
Në evenimentin e djeshëm fjalë morën ministri i vetëqeverisjes lokale, Risto Penov, udhëhqësi për bashkëpunim dhe zhvillim i Suedisë, Mikael Aterhog, përfaqësuesi i UNDP në shtet, Armen Grigorjan dhe drejtori i Byrosë për zhvillim rajonal, Ramiz Rexhepi.
Gjatë kësaj, u theksua se komunat duhet të kenë kujdes më të madh dhe të ndajnë mjete të mjaftueshme për përgatitjen e dokumentacionit teknik sepse vetëm në atë mënyrë mund të përmirësohen kushtet në nivel lokal dhe rajonal.
Nga ana e projekt menaxherit të departamentit “Democratic Governance” pranë UNDP, Jovanka Stojanova u bë një rishikim i thirrjes së parë nga faza e dytë, dhe u bë e ditur se gjatë janarit të vitit 2024 do të shpallet thirrja e dytë për përgatitjen e dokumentacionit teknik për sferën tematike – përmirësimi i kualitetit të ajrit ambiental në shtet.
No comment yet, add your voice below!