Këshilli për zhvillim të rajonit planor Jugperëndimor e mbajti mbledhjen e 10-të në të cilën anëtarët u informuan për fillimin e realizimit të projekteve rajonale nga Programi për ZHBR të MVL dhe BZHR për vitin 2023-2024, me çka në nëntë komunat e Rajonit do të investohen 58,5 milionë denarë. Me dy projekte do të përmirësohet efikasiteti energjetik përmes rikonstruktimit të objekteve publike dhe vendosja e paneleve diellore, ndërsa me projektin e tretë do të përmirësohet infrastruktura rrugore me qëllim që të përmirësohet oferta turistike e rajonit.
Anëtarët e Këshillit u informuan se nga Programi për vitin 2022 dhe 2023 janë realizuar të gjitha aktivitete e parashikuara, përveç në Dibër dhe Kërçovë ku pritet që punët të përfundojnë deri në fund të vitit aktual, përkatësisht në fillim të vitit 2024.
Në mbledhje u mbajt edhe prezantimi i propozim koncepteve për projekte rajonale sipas Programit për ZHBR të MVL dhe BZHR për vitin 2024-2025, sipas të cilës janë planifikuar investime prej rreth 58 milionë denarë. Pjesa më e madhe e tyre do të jenë për përmirësimin e infrastrukturës rrugore lokale, si dhe për përmirësimin e kushteve në ambientin jetësor dhe të efikasitet energjetik në objektet publike.
Anëtarët e Këshillit për zhvillim e shqyrtuan dhe miratuan Planin financiar të Qendrës për zhvillim të RPJP për vitin 2024, sipas të cilit është e planifikuar që të realizohen rreth 130 milionë denarë, me çka pjesa më e madhe, përkatësisht mbi 90% do të jenë të lidhura me realizimin e projekteve rajonale në Rajon.
No comment yet, add your voice below!