Më 18.03.2025, Qendra për zhvillim të rajonit planor Jugperëndimor, ESHP Nefrologjisë – Strugë, në kuadër të projektit “Rikonstruksioni i ESHP Nefrologjia Strugë dhe krijimi i kushteve për turizëm shëndetësor në RPJP”, i dorëzoi pajisjet – tre aparate për hemodijalizë, hemodijafiltrim dhe hemofiltrim.
Këto pajisje do të mundësojnë përkujdesje më të mirë për pacientët me insuficiencë kronike n; veshka, si dhe për ata me gjendje akute që kërkojnë metoda të avancuara të pastrimit të gjakut.
Përfitimet e pajisjeve të reja:
- Trajtim më cilësor – Aparatet e reja ofrojnë një shkallë më të lartë efikasiteti në largimin e toksinave dhe lëngjeve të tepërta nga gjaku, duke përmirësuar gjendjen e përgjithshme shëndetësore të pacientëve.
- Qasje më e madhe në shërbime – Me rritjen e kapaciteteve të institucionit, do të ulet koha e pritjes për pacientët që kanë nevojë për dializë.
- Ulje e rreziqeve dhe komplikimeve – Teknologjitë moderne të pajisjeve të reja mundësojnë metoda trajtimi më të avancuara dhe më të sigurta, duke reduktuar efektet anësore te pacientët.
- Mbështetje për rastet akute – Përveç pacientëve kronikë, këto pajisje do të ndihmojnë në trajtimin më efikas të pacientëve me insuficiencë akute në veshka, veçanërisht në rastet emergjente.
- Kushte më të mira pune për personelin mjekësor – Stafi do të ketë në dispozicion pajisje bashkëkohore që lehtësojnë monitorimin dhe trajtimin më të sigurt të pacientëve.
Me këtë investim, EPSH Nefrologjia – Strugë do të rrisë ndjeshëm kapacitetin e trajtimit dhe do të ofrojë shërbime shëndetësore më cilësore për pacientët, duke kontribuar në përmirësimin e shëndetit dhe jetëgjatësisë së tyre.
Projekti u zbatuar nga Qendra për zhvillim të RPJP dhe u financua nga Ministria e vetëqeverisjes lokale dhe Qeveria e Konfederatës Zvicerane / Agjencia Zvicerane për zhvillim dhe bashkëpunim, me një vlerë prej 3.669.000,00 MKD.
No comment yet, add your voice below!