На ден 18.03.2025 Центарот за развој на Југозападен плански регион на ЈЗУ Нефрологија – Струга, во рамки на проектот “Реконструкција на ЈЗУ Нефрологија Струга и креирање на услови за здравствен туризам во ЈЗПР“, му го предаде опремата – три апарати за хемодијализа, хемодијафилтрација и хемофилтрација.
Овие апарати ќе овозможат подобрена грижа за пациентите со хронична бубрежна инсуфициенција, како и за оние со акутни состојби кои бараат напредни методи на прочистување на крвта.
Придобивки од набавката:
- Подобрен квалитет на третманот – Новите апарати нудат повисоко ниво на ефикасност во отстранувањето на токсините и вишокот течности од крвта, со што се подобрува општата здравствена состојба на пациентите.
- Зголемена достапност на услугите – Со проширување на капацитетите на установата, ќе се намали времето на чекање за пациентите кои имаат потреба од дијализни третмани.
- Намалување на ризиците и компликациите – Современите технологии кои ги поседуваат новите апарати овозможуваат понапредни и посигурни методи на третман, што директно влијае на намалување на несаканите ефекти кај пациентите.
- Поддршка за акутни случаи – Покрај хроничните пациенти, со овие апарати ќе може поефикасно да се третираат и пациентите со акутна бубрежна инсуфициенција, што е особено важно за итните случаи во регионот.
- Подобрување на работните услови за медицинскиот персонал – Медицинските работници ќе имаат на располагање современа опрема која овозможува попрецизен и побезбеден мониторинг на третманот.
Со оваа инвестиција, ЈЗУ Нефрологија – Струга значително ќе го зголеми капацитетот за третман и ќе овозможи поквалитетна здравствена заштита за пациентите, што ќе придонесе за подобро здравје и подолг животен век на лицата кои се соочуваат со бубрежни заболувања.
Проектот е имплементиран од Центарот за развој на ЈЗПР, додека е финансиран преку Министерство за локална самоуправа и Владата на Швајцарската Конфедерација / Швајцарска агенција за развој и соработка во вредност од 3.669.000,00 МКД .
No comment yet, add your voice below!