Në Qendër Zhupë zyrtarisht u dorëzua mini eskavatori i ri, i cili do t’i shërbejë qytetarëve për rregullimin dhe mirëmbajtjen e rrugicave komunale, hapësirave të gjelbra, rrugëve dhe projekteve tjera infrastrukturore.
Me këtë eskavator të ri, komuna do të përfitojë:
-
Mirëmbajtje më të mirë dhe më efikase të rrugëve dhe rrugicave — reagim më të shpejtë pas shfaqjes së dëmtimeve, gropave dhe defekteve tjera;
-
Pëkrahje për projektet e mëdha për rregullimin e hapësirave publike — parqe, hapësira publike, zonat e gjelbra;
-
Rritja e kualitetit të jetesës së banorëve — infrastrukturë më kualitative, vende për parkim, rrugica, zona për këmbësorë;
-
Gatishmëri për intervenime të shpejta — gjatë kushteve të rënda metereologjike, rrëshqitjeve të dheut, përmbytje ose fatkeqësive tjera.
Furnizimi i mini bagerit është pjesë e programit afatgjatë për modernizimin dhe zhvillimin e infrastrukturës së komunave dhe Rajonit, me qëllim që të sigurojmë jetë më të mirë dhe më të qetë për të gjithë qytetarët e komunës sonë. Duke investuar në mekanizim si eskavatori i ri, ne e lehtësojmë dhe shpejtojmë mirëmbajtjen dhe zhvillimin e infrastrukturës komunale. Këto makineri shërbejnë për realizimin më efikas të aktiviteteve ndërtimore dhe komunale – nga rregullimi i rrugëve, deri te përgatitja e terreneve për projkte të reja.
Projektin e implementon Qendra për zhvillim të rajonit planor Jugperëndimor, ndërsa financiarisht mbështetet nga Ministria për vetëqeverisje lokale, nga programi për uljen e dispariteteve në Rajone, dhe Komuna e Qendër Zhupës si partner në projekt.
No comment yet, add your voice below!