Нова опрема за Македонски Брод

Центарот за развој на Југозападниот плански регион, во соработка со Министерството за локална самоуправа преку Бирото за регионален развој, реализираше дел од проектот: „Јакнење на капацитетите на ЈКП преку набавка на опрема“, преку кој беше набавена тракторска телескопски хидраулична рака со мулчер и додаток за кастрење.

 

Оваа современа опрема ќе биде ставена во употреба од ЈПК „Комунална хигиена“ – Македонски Брод, со цел зголемување на ефикасноста и безбедноста при одржување на јавните површини во општината Македонски Брод.

 

Со оваа опрема се овозможува:

Почисти и поуредени зелени површини

Безбедни и проодни патишта преку редовно кастрење на дрвјата

Поголема продуктивност и поефикасна работа на јавните служби

Придонес за почиста и поздрава животна средина

Вкупната вредност на набавката изнесува 567.000,00 денари, средства обезбедени преку Програмата за рамномерен регионален развој за 2025г.

 

Со современа механизација чекориме кон поуреден, побезбеден и поеколошки Македонски Брод!