U RIKONSTRUKTUA BAZENI PËR TERAPI FIZIKALE NË SPITALIN SHËN ERAZMO
Strugë, 16 qershor 2021, Qendra për zhvillim të rajonit planor JUGPERËNDIMOR me sukses e përfundoi rikonstruktimin e bazenit për terapi fizikale në spitalin e specializuar Shën Erazmo, me çka janë krijuar kushtet që pacientët në këtë institucion, por edhe nga rajoni më i gjerë, të mund t’i shfrytëzojnë shërbimet specialistike të profesionistëve për mjekimin e sëmundjeve të ndërlidhura me funksionet e dëmtuara motorike tek trupi i njeriut.
-Me projektin, vlera e të cilit është 8 milionë denarë, u krye modernizimi i pjesës së makinerisë dhe bazenit dhe një pjesë të pajisjeve, u vendosën kolektorët diellorë, dhe u bënë intervenime tek rrjeti elektrik dhe në vetë objektin me qëllim që të rritet efikasiteti energjetik i tij. Me intervenimet e kryera, siç theksojnë nga Qendra për zhvillim të rajonit planor Jugperëndimor, është modernizuar në tërësi puna e bazenit për terapi fizikale, me çka shpenzimet për funksionimin e tij do të jenë të parëndësishme për spitalin e specijalizuar Shën Erazmo. Mjetet për këtë projekt janë siguruar nga ana e Agjencionit zviceran për zhvillim dhe bashkëpunim dhe Ministria e vetëqeverisjes lokale, dhe i njëjti është përzgjedhur përmes forumeve rajonale të bashkësisë, çka është specifikë e punës së donatorit nga Zvicra.
– Nga spitali Shën Erazmo, e cila shënon 71 vjetorin e funksionimit të saj, nuk e fshehin kënaqësinë që bazeni për terapi fizikale është i përfunduar, dhe së shpejti mendojnë ta vëndojnë në funksion për nevojat e pacientëve të tyre. Mbi dhjetë vjet këto shërbime nuk jepeshin për shkak të shpenzimeve të larta të institucionit, por tani gjendja u përmirësua, ashtu që nuk ka pengesa që shërbimet t’i marrin të gjithë shfrytëzuesit e shoqërisë. Këtu, në rradhë të parë, bëhet fjalë për më të rinjtë të cilët shpesh hasin në lloje të ndryshme të deformimeve. Sipas informacioneve, donatorët zviceran, do ta vazhdojnë bashkëpunimin me Maqedoninë e Veriut, ashtu që në tri vitet në vijim, është paralajmëruar përkrahje për projekte investuese të reja në tetë rajonet planore.
No comment yet, add your voice below!