Drejtori i Qendrës për zhvillim të rajonit planor Jugperëndimor, m-r Mirjana Lozanoska, sot në Shkup, me ministrin për vetëqeverisje lokale Risto Penov, e nënshkroi marrëveshjen për realizimin e projektit investues për rikonstruktimin dhe modernizimin e Spitalit të specializuar për prevencion, shërim dhe rehabilitim të sëmundjeve kardiovaskulare “Shën Stefani” në Ohër.
Buxheti i projektit është pak më shumë se 23,4 milionë denarë, dhe në pajtim me përllogaritjen financiare mjetet do të investohen në rikonstruktimin e plotë me qëllim, dhe si prioritet, të rritet niveli i efikasitetit energjetik të objektit. Me atë do të mundësohet që të përdoret në vazhdimësi kapaciteti gjatë gjithë vitit, dhe rritja e numrit të pacientëve tëcilët do të përfshihen në procesin e shërimit dhe rehabilitimit. Përveç në këtë aspekt, një pjesë e konsiderueshme e mjeteve do të përdoren për digjitalizimin e shërbimeve, si dhe furnizimin e pajisjeve për diagnostifikim të saktë të pacientëve
No comment yet, add your voice below!