Qendra për zhvillim të rajonit planor Jugperëndimor dhe operatori ekonomik i angazhuar – kompania Markoski K73 SHPKNJP Strugë e përfunduan rikonstruktimin e pesë rrugëve në pjesën e vjetër të qytetit të Strugës, me çka në tërësi janë realizuar të gjitha aktivitetet e planifikuara në kuadër të projektit “Përkrahja e zhvillimit ekonomik rajonal përmes turizmit, kulturës dhe veprimtarive tjera ekonomike”, e miratuar nga ana e Ministrisë për vetëqeverisje lokale dhe Byrosë për zhvillim rajonal.
Bëhet fjalë për rikonstruktimin e rrugëve “27 Marsi”, “Niko Nestor”, “Vëllezërit Milladinovci”, “Goce Dellçev” dhe “Dimitar Vllahov” me gjatësi prej 600 m dhe sipërfaqe prej rreth 3200 m2. Në terren gjatë muajve të kaluar u demontuan gurët e vjetër, u shtrua bazë e re nga rëra dhe betoni, me çka u bë montimi i gurëve të njëjtë me qëllim që të ruhet autenticiteti i çarshisë së vjetër. Vlera e përgjithshme e punëve të kryera është rreth 13,6 milionë denarë, dhe mjetet janë siguruar nga buxheti qendror i shtetit, si dhe partneri – Komuna e Strugës.
Paralelisht tek rrugët u realizua edhe projekti i Komunës për vendosjen e rrjetit të ri të ujësjellësit dhe sigurimin e kyçjeve për rreth 100 shtëpi banimi në këtë pjesë të qytetit, për çka u investuan rreth 5 milionë denarë nga buxheti i Komunës së Strugës. Në rrugët e përmendura u vendos edhe rrjeti i ri i EVN, Telekomit dhe provajderëve lokal.
Qendra për zhvillim të rajonit planor Jugperëndimor përveç në Strugë, në kuadër të projektit të përmendur po realizon edhe punë për rikonstruktimin e rrugëve edhe në Ohër Vevçan dhe Qendër Zhupë për çka gjithsej janë investuar rreth 50 milionë denarë. Pjesa më e madhe e mjeteve janë nga Buxheti i shtetit, por edhe kofinancim i komunave partnere në projekt. Qëllimi i proejktit është që përmes përmirësimit të infrastrukturës lokale të ngriten performansat turistike të komunave, si dhe të përforcohen aktivitetet ekonomike në zonat e targetuara.
No comment yet, add your voice below!