Gjatë debateve rreth 50 përfaqësues të palëve të rëndësishme nga rajoni planor Jugperëndimor, në forumin e dytë rajonal, të mbajtur në Strugë, i ranguan konceptet për projektet rajonale me të cilat Qendra për zhvillim do të aplikojë tek Ministria e vetëqeverisjes lokale, përkatësisht Byroja për zhvillim rajonal për periudhën programore 2024/2025.
Në pajtim me rangimin e bërë më shumë vota fitoi projekti për përmirësimin e kushteve në ambientin jetësor në të cilin janë paraparë aktivitete për ngritjen e kapaciteteve të NPK dhe Njësive të zjarrfikësve përmes furnizimit të automjeteve dhe pajisjeve. Në vendin e dytë rradhitet projekti për përmirësimin e infrastrukturës rrugore lokale në tetë komuna nga Rajoni, ndërsa në vendin e tretë është projekti për rritjen e efikasitetit energjetik në objektet publike në komunat përmes vendosjes së paneleve diellorë dhe përgatitjes së dokumentacionit teknik për atë lloj intervenimesh sipas nevojave të komunave nga Rajoni.
Koncept-projektet së shpejti do të shqyrtohen nga ana e Këshillit për zhvillim, me çka do të kompletohet dhe miratohet Lista vjetore e projekteve me të cilat Qendra për zhvillim do të aplikojë tek Ministria e vetëqeverisjes lokale, përkatësisht Byroja për zhvillim rajonal.
Pritet që të përkrahen projekte të rëndësisë rajonale në lartësi prej 58 milionë denarë, mjete që do të sigurohen nga buxheti qendror i shtetit nga viti i ardhshëm 2025.
No comment yet, add your voice below!