Qendra për zhvillim të rajonit planor Jugperëndimor, në kuadër të projektit për pajisjen e Qendrës për terapi fizikale në spitalin Shën Erazmo në Ohër, këto ditë e bëri montimin dhe vënien në funksion të pajisjes së re, me çka në masë të madhe është rritur niveli i shërbimeve në këtë ent të specializuar spitalor. Investimi i përgjithshëm është rreth 2,466 milionë denarë, dhe mjetet janë siguruar në kuadër të projektit investues të Qendrës për zhvillim të rajonit planor Jugperëndimor, si dhe kontribut vetanak i spitalit.
Gjegjësisht, në Qendrën për terapi fizikale janë muantuar dy kada për elektro-terapi dhe një lift hidraulik për basenin. Pajisjet e reja do t’i përmirësojnë shërbimet për pacientët të cilët kanë nevojë për hidro-terapi, përkatësisht hidro-masazhe, si dhe lehtësimin e qasjes deri te baseni për pacientët që kanë pamundësi në lëvizje. Njësia për krioterapi do të kontribuojë në zvogëlimin e problemeve muskolore-skeletore, dhe do të mund të përdoret edhe për qëllime analgetike, zvogëlimin e ndezjeve dhe përshpejtimin e proceseve metabolike lokale.
Projekti për pajisjen e qendrës për terapi fizikale në spitalin Shën Erazmo është financuar nga ana e Agjencisë zvicerane për zhvillim dhe bashkëpunim, Ministrisë për vetëqeverisje lokale, ndërsa i kofinancuar nga ana e vetë spitalit. Gjatë vitit të kaluar dhe këtij viti po realizohen më tepër aktivitete për përmirësimin e kushteve edhe në spitalin për sëmundje kardiologjike Shën Stefani në Ohër dhe spitalin e Nefrologjisë në Strugë. Përmes projekteve të Qendrës për zhvillim dhe me kontributin e tre enteve në rikonstruktimin dhe modernizimin e tyre do të investohen rreth 52 milionë denarë.
No comment yet, add your voice below!