Punëtoria vjetore e mbajtur në Ohër në datë 14 dhe 15 dhjetor, u mbajt për vlerësimin e projektit “Zhvillim i barabartë rajonal i qëndrueshëm dhe inkluziv” – faza II, e përkrahur financiarisht nga Ambasada e Zvicrës në RMV/SDC dhe Qeverisë së RMV, dhe e implementuar nga ana e Ministrisë së vetëqeerisjes lokale.
Në punëtorinë dy ditore, Qendra për zhvillim të rajonit planor Jugperëndimor, i prezantoi rezultatet e vitit 2023, përmes prezantimit të realizimit të projekteve të cilat janë në vijim të realizimit. Prezantimin e projekteve rajonale të realizuara me sukses e bëri drejtori i Qendrës për zhvillim të RPJP m-r Mirjana Lozanoska. Ajo, në prezantimin e saj, theksoi se në vitin që e lëm pas, Qendra për zhvillim të RPJP, ka implementuar me sukses rreth 20 aktivitete në të gjithë Rajonin, në 9 komuna, 2 ndërmarrje publike komunale, dhe dy ente publike shëndetësore.
Në ditën e dytë të punëtorisë, z-nja Arbëresha Vlashi, udhëheqëse e njësisë për menaxhim me mbeturina në Qendrën për zhvillim të rajonit planor Jugperëndimor, i prezantoi projektet “Përmirësimi i kushteve për turizëm shëndetësor me rikonstruktimin e ESHP kardiologjia-Ohër, furnizimi i pajisjeve dhe digjitalizimi” dhe “Rikonstruktimi i ESHP Nefrologjisë-Strugë dhe krijimi i kushteve për turizëm shëndetësor në RPJP”, të cilët financohen përmes Agjencisë zvicerane për zhvillim dhe bashkëpunim dhe Ministrisë për vetëqeverisje lokale.
No comment yet, add your voice below!