Оглас за здруженија на граѓани

Врз основа на член 21, точка 10, 13,14 и 15,  а во врска со членот 22, точка 1, алинеја 9 од Законот за рамномерен регионален развој (Сл.Весник на РСМ бр.24/21 и 174/21), и врз основа на Одлуката на Советот за развој на Југозападниот плански регион бр.01-194/1 од 03.12.2021 година, Советот за развој на Југозападниот плански регион, објавува

ОГЛАС

за избор на член – претставник од здружение на граѓани 

во Советот за развој на Југозападниот плански регион

 1 (еден) претставник со мандат од четири години

Основни критериуми за избор на член-претставник од здруженијата во Советот за развој на Југозападен плански регион се:

– правните лица, апликанти да бидат регистрирани најмалку две години, со седиште и делување на подрачјето на една од деветте општини (Вевчани, Дебар, Дебрца, Македонски Брод, Кичево, Охрид, Пласница, Струга, Центар Жупа)  во состав на планскиот регион,

– правните лица, апликанти согласно со Статутот на организацијата да делуваат во областа на локалниот и на регионалниот развој, и

– правните лица, апликанти да имаат имплементирано најмалку два проекти од областа на локалниот и регионалниот развој.

Мандатот на членот-претставник од здруженијата во Советот за развој на Југозападниот плански е 4 (четири) години.

Членот – претставник од здруженијата треба редовно да учествува во работата на седниците на Советот за развој на Југозападниот плански регион, и е без право на глас;

Процесот ќе го спроведе Комисија, а самиот избор ќе го извршат пријавените кандидати кои ги исполнуваат наведените критериуми.

Напомена: Членот-претставник од здруженијата во Советот за развој на Југозападниот плански регион функцијата ќе ја извршува на волонтерска основа.

Огласот е отворен 5 (пет) работни дена од денот на објавувањето.

Заинтересираните здруженија да достават документи со кои ќе докажат дека ги исполнуваат условите наведени во јавниот повик во следнава адреса:

Центар за развој на Југозападен плански регион

ул. Владо Малески Тале бр.1/5, П.Ф. 27, 6330, Струга

или преку електронска пошта:

a.vlashi@southwestregion.mk

Совет за развој на Југозападниот плански регион

Претседател

д-р  Рамис Мерко с.р.