Пуштен во употреба реконструираниот пат за Бајрамовци во Општина Центар Жупа

13 мај 2022, Центар Жупа    Во присуство на Повереникот на Влада за вршење на работите на градоначалник на Општина Центар Жупа, г-дин Аријан Ибраим, директорката на Центарот за развој на Југозападниот плански регион м-р Мирјана Лозаноска, заедно со Изведувачот на работите фирмата „Маркоски К 73“ од Струга и подизведувачот „Прогрес“ од Гостивар, во присуство на Надзорниот орган- Конструктор ДООЕЛ Струга, извршија технички преглед и го пуштија во употреба реконструираниот пат од н.м. Центар Жупа до н.м. Бајрамовци.

Локалниот пат е во должина од 1.600 м  и со извршената реконструкција и положување на нов асфалтен слој значајно се подобрени условите за безбедно одвивање на сообраќајот,  како за моторните возила, така и за пешаците и за велосипедистите бидејќи улицата има и банкини што овозможува сигурност за сите учесници во сообраќајот. Вкупната инвестиција е 8.3 милиони денари, а средствата е  се обезбедени од националниот буџет преку Програмата за рамномерен регионален развој на Бирото за регионален развој.

Оваа активност е дел од проектот „Поддршка на регионалниот економски развој преку туризмот, културата и другите економски дејности“, што го имплементира Центарот за развој на Југозападниот плански регион. Во рамките на споменатиот проект активности од сличен тип се реализираат и во Вевчани, Струга и Охрид.