Во рамките на проектот „Реконструкција на ЈЗУ Нефрологија Струга и креирање на услови за здравствен туризам во ЈЗПР„, Центарот за развој на Југозападниот плански регион на ден 15.04.2024, во Специјализираната болница ЈЗУ Нефрологија Струга направи примо предавање на два клучни интервенции и тоа:
- Инвестиција во централен систем за дистрибуција на кислород во три сали за хемодијализа, и во три соби наменети за интензивна нега и
- Подобрување на условите за хемодијализа преку набавка на опрема реверзна осмоза.
Активностите планирани во рамките на овој проект, предвидуваат Специјализираната болница ЈЗУ Нефрологија Струга да биде важен сегмент во здравствениот систем на Република Северна Македонија преку реализирање на над 15.000 дијализи годишно и подобрување на услугите преку обезбедување на безбеден систем за снабдување со кислород, со цел подобрување на квалитетот на здравствените услуги на центарот за болните од хронична и акутна ренална инсуфициенција.
Направената инвестицијата е во вредност од 3.800.000 денари. Проектот се финансира преку Министерство за локална самоуправа и Швајцарската агенција за развој и соработка. Изведувач на работите за дистрибуција на кислород е: Друштво за производство на индустриски гасови ТГС ТЕХНИЧКИ ГАСОВИ од Скопје и за реверзната осмоза ДПТУ Фарма Трејд од Скопје.
No comment yet, add your voice below!