01 ноември 2022, Струга Ефективната комуникација меѓу засегнатите страни на регионално ниво е значајна бидејќи на тој начин ќе се подобри информирањето на јавноста за мерките на политиката за поттикнување рамномерен регионален развој, како и овозможување слободен пристап до информации на заинтересираните страни. Покрај тоа, ќе се подобри активното вклучување на граѓаните во процесот на креирање и имплементирање на регионалната политика, и соработката при подготовката, имплементацијата, мониторингот и евалуацијата на планските документи за регионален развој меѓу органите на централната власт и општините, економските и социјалните партнери и други релевантни претставници на граѓанското општество. Ова беа дел од целите на обуката што се реализира со над дваесеттина претставници од општините, бизнис секторот и тимот од Центарот за развој на Југозападниот плански регион.
Обуката ја спроведе Мики Трајкоски, член на тимот од проектот „Одржлив и инклузивен рамномерен регионален развој“, кој присутните ги запозна со потребите од комуникација со медиумите, жанровите што можат да се употребат со цел да се постигнат подобри ефекти кај јавноста и потребата од изработка на годишен медиа план на институциите. На обуката беа разработени и практични техники што треба да се применуваат при јавните настапи на претставниците на јавните институции.
Подобрувањето на комуникациските способности на регионалните чинители е значајна за подигнување на видливоста на регионалните развојни проекти, и истата непосредно произлегува од потребата за целосна и успешна имплементација на одредбите од Законот за рамномерен регионален развој.
No comment yet, add your voice below!