Нова опрема за поефикасно одржување на јавните површини во Општина Дебрца!Центарот за развој на Југозападниот плански регион, со финансиски средства од Министерството за локална самоуправа и Општина Дебрца, успешно го реализираше проектот: „Опремување на ЈКП Дебрца“, преку кој беше набавен нов трактор, нож за чистење на снег, тракторска телескопски хидраулична рака со мулчер и додаток за кастрење.
Оваа современа опрема ќе биде ставена во употреба од ЈКП „Дебрца“ – Општина Дебрца, со цел зголемување на ефикасноста и безбедноста при одржување на локалните патишта, чистењето на снег во зимски услови, уредувањето на јавните зелени површини и кастрењето на гранките 
Со оваа опрема се овозможува:
Почисти и поуредени зелени површини
Безбедни и проодни патишта преку редовно чистење од снег Безбедни и проодни патишта преку редовно кастрење на дрвјата
Поголема продуктивност и поефикасна работа на јавните служби
Придонес за почиста и поздрава животна средина
Вкупната вредност на набавката изнесува 2.433.200 денари, средства обезбедени преку Програмата за намалување на дицпаритетите во 2026 на Министерството за локална самоуправа и сопствено учество на Општина Дебрца.Со современа механизација чекориме кон поуреден, побезбеден и поеколошка Дебрца! 
No comment yet, add your voice below!